वैभव-नीरू यांचे संगीत, प्रल्हाद शिंदे यांची शब्दरचना आणि सिद्धांत म्हात्रे यांचं भावनांनी भरलेलं सादरीकरण
प्रतिनिधी महामुंबई – मायेचा स्पर्श, समर्पणाची भावना, आणि निस्सीम प्रेम व्यक्त करणारा एक अविस्मरणीय अनुभव म्हणजे आई. या अमर प्रेमाला शब्द, सूर आणि हृदयाचा स्पर्श देणारं “आई” हे खास गाणं मातृदिनानिमित्त रसिकांच्या भेटीला आलं असून, या गाण्याचं सर्वात मोठं आकर्षण म्हणजे सिद्धांत महादेव म्हात्रे यांचा भावविवश करणारा आवाज.
सिद्धांत महादेव म्हात्रे हे फक्त या गाण्याचे गायकच नाहीत, तर ते याचे संगीतकारही आहेत. त्यांनी आपल्या आवाजात आणि रचनेतून ‘आई’च्या अस्तित्वाचं जणू संगीतात्मक चित्र काढलं आहे. त्यांच्या सादरीकरणातील भावनिक बारकावे हे आईच्या मायेची आठवण करून देतात.
गाण्याचे गीतकार आणि मूळ संकल्पक प्रल्हाद शिंदे यांनी ‘आई’साठी शब्दांत मायेचं विश्व उभं केलं आहे. या गीताला संगीताची साज चढवला आहे लोकप्रिय संगीतद्वयी वैभव बोस आणि नीरू कोळी यांनी. हे गाणं स्टुडिओ कोलिस्टार येथे ध्वनिमुद्रित करण्यात आलं आहे.
व्हिडिओ निर्मिती टीम :
दिग्दर्शक : सुबोध सावंत, महेंद्र कोळी (MK)
छायाचित्रण : महेंद्र कोळी (MK)
क्रिएटिव्ह हेड : नयना गाडे
आर्ट डिरेक्टर : प्रतीक कोळी, अजय कांबळे
गाण्यात सहभागी कलाकार :
मुख्य कलाकार : आदिश पाटील, तस्मय जाधव, वैशाली मोहिते, नायना गाडे, सुबोध सावंत
सहकलाकार : उर्वी कोळी, हर्षित पाटील, तेजश्री कोळी
हे गाणं विविध प्लॅटफॉर्म वर उपलब्ध आहे :
♪ Apple Music
♪ Gaana
♪ Spotify
♪ Hungama
♪ Wynk
♪ JioSaavn
सिद्धांत म्हात्रे यांचा हा सर्जनशील आणि भावनांनी भरलेला कलात्मक प्रयत्न म्हणजे आईच्या आठवणींना, तिच्या प्रेमाला आणि तिच्या सहवासाला संगीताच्या माध्यमातून अर्पण केलेली एक मनापासूनची आदरांजली आहे.
‘आई’ हे गाणं नक्की ऐका, शेअर करा आणि आपल्या आईला या सुरेल गाण्याच्या माध्यमातून एक खास भावनिक भेट द्या!
